22 de novembro, Santa Icía, patroa dos músicos

-

 Tal día como hoxe, 22 de novembro, celébrase o día de Santa Icía, universalmente recoñecida como patroa dos músicos. 


 Con tal motivo, un dos profesores do Xan Viaño, Jose Luis Vázquez Lorenzo, “Lorenzo”, impulsaba o ano pasado, un concerto de profesores moi especial. 


 Enrique Agrelo Otero (violín), Alejandro Cubero Suárez (piano), Paula Expósito Villar (frauta), Rosa Fernández Valdivieso (violín), Jose Folgueiras López (viola), Jorge Ricardo Genó Alonso (piano), Mariola Gil Lago (clarinete), Soraya García Riveiros (frauta), Ximo Pallás (contrabaixo), Iván Pantín Vázquez (tuba), Alexandra Pita Evia (piano), Iria Rico Fernández (violín), Isabel Sanjuán Pérez (violín), Mónica Silva García (viola), Francisco San Ramón Calvo (clarinete), Emma Urango Muelas ( violoncello), Jose Luis Vázquez Lorenzo (clarinete) e Daniel Veiga  Roca (clarinete) uníanse á proposta inmediatamente.



 A cita foi todo un éxito, e a acollida dos alumnos e alumnas, como sempre nestas ocasións, insuperable. Foi especialmente emocionante escoitar ao Departamento de corda tocando todos xuntos!


 Este ano as circunstancias non permiten organizar outro concerto así, mais de seguro, volveremos, con todas as ganas e toda a forza do mundo. Compartiremos vivencias, e como non, música!


 O equipo de convivencia quere agradecer a Lorenzo a súa bonita iniciativa e tamén ternos facilitado esta montaxe fotográfica.


Feliz día de Santa Icía!

Comentarios

Publicar un comentario

Publicacións populares deste blog

A Orquestra do Xan Viaño con Música Mestra!

-
Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo...
Ler máis

O alumnado de frauta do Xan Viaño co 8M

-
Imaxe
O alumnado de frauta do conservatorio, tamén se une á celebración do Día Internacional da Muller, compartindo con nós, os seus traballos realizados sobre compositoras da historia da música. Estes traballos inclúen información moi interesante sobre a súa vida e obra, e incluso tamén engaden obras interpretadas por eles mesmos na frauta, resultando unha actividade do máis enriquecedora. Compartimos a continuación unha mostra destes traballos, non sen antes agradecerlle a todos os alumnos e alumnas a súa participación nesta iniciativa, e de xeito especial a súa profesora de frauta Soraya García Riveiros, por animalos a investigar e participar neste emocionante proxecto.   CLARA SCHUMANN Érika González Pérez  5º GP Frauta Travesera 1. INTRODUCCIÓN:  Clara Wieck, más conocida como Clara Schumann, fue una pianista y compositora  alemana, más importante del siglo XIX, y su carrera fue clave en la difusión de las  composiciones de su marido, Robert Schumann. También...
Ler máis

Música Mestra!

-
Imaxe
Neste 25N o Equipo de Dinamización da Convivencia quere retomar un fermoso proxecto, que como tantos outros, a pandemia levou por diante.   Música, mestra! busca  dar a coñecer o papel da muller na historia da música, así como reivindicar ás mulleres na música, como en calquera outro sector. En marzo de 2020, estaba preparado un gran concerto por parte de alumnos e profesores do Xan Viaño, con obras de Amy Beach, Clara Schumann e Cécile Chaminade, entre outras... e ata había unha gran sorpresa: o coro de mestres e mestras!  Neste día tan significativo como o de hoxe, volta ese proxecto coa mesma forza e ilusión!  Chegamos a tempo giusto, ao tempo das mulleres!
Ler máis