Publicacións

Música Mestra! Música de Cécile Chaminade

Imaxe
A piques de rematar o curso, seguimos compartindo música de mulleres compositoras, neste caso da compositora francesa Cécile Chaminade. Cécile Chaminade naceu en París no 1857 e faleceu e Mónaco no 1944. Recibiu as primeiras leccións de piano da man da súa nai, que era pianista e cantante, e con 8 anos Cécile xa compoñía música relixiosa. Ademais de compositora, foi unha gran pianista, realizando concertos por toda Europa  e incluso por Estados Unidos, onde adquiriu moito éxito e popularidade. Recibiu moitos premios, como o da Légion d´Honneur francesa en 1913, que por primeira vez foi concedido a unha muller compositora.  Cécile Chaminade é sobre todo coñecida polas súas pezas para piano de gran expresividade e lirismo, como podemos escoitar en  Idylle , peza do Album des enfants, neste caso na interpretación de Sandra Dopico Casal, alumna de 5º GP de piano complementario. Grazas a Sandra por colaborar co proxecto Música Mestra! baixo a supervisión da súa profesora Alma Cendán, e com

Exposición INDÓMITAS. Historias que abren camiños, en Ferrol

Imaxe
Nova exposición da Sede Afundación Ferrol, moi vinculada ao noso proxecto de Música Mestra! do Plan Proxecta + Donas de si , que busca reivindicar o papel da muller na música como en calquera outro sector. O proxecto reflexiona sobre a equidade entre xéneros, presentando o traballo de doce mulleres valentes, que foron pioneiras nos seus ámbitos e que son un modelo para as vindeiras xeracións. Animámosvos a que visiteres INDÓMITAS , que estará en Ferrol ata o 27 de maio do 2022. 

25 de abril sempre

Imaxe
O 25 de abril é un día sinalado no noso calendario. Desde o punto de vista musical dúas cancións están vencelladas a este día, o Grândola vila morena que foi o segundo sinal para a Revolução do Cravos e o Bella Ciao o himno partisano que se convertiu nun símbolo da desocupación fascista e que cada 25 de abril se canta en Italia. Pois ben, hoxe temos a sorte de celebrar este día cun destes fermosos cantos. Escoitaremos unha versión para piano a catro mans de Bella Ciao da man de dous alumnos, Jorge Orosa López e Andrés Boutureira Rodríguez. Aínda que non o pareza ningún deles é pianista! Jorge é violoncellista e Andrés guitarrista, mais ningúen diría tal con este vídeo! Dende o Equipo de Convivencia queremos reiterar o noso agradecemento á incansable labor do noso coordinador TIC, Suso Iglesias, que sempre colabora coa gravación e edición destes  marabillosos vídeos que vos presentamos. Estas dúas icónicas cancións recórdannos valores que sempre temos ter presentes.  25 de a

A nova árbore de Música Mestra!

Imaxe
A árbore que preside as escaleiras do noso conser dende fai xa moitos anos, volveuse inclusiva e sensible coa igualdade de xénero entre homes e mulleres, incluíndo agora tamén o nome de mulleres compositoras. Como iniciativa de Música Mestra! encabezada pola profe de violín María José Pámpano, realizouse unha intervención artística, engadindo os nomes de mulleres compositoras que tamén merecen ser visibles polo seu papel na historia da música. Anteriormente a árbore estaba formada unicamente por nomes de homes, polo que era preciso romper con estereotipos e realizar esta creación artísticas como análise, concienciación e visibilización do papel da muller na música. A través dun traballo colaborativo entre alumnado e profesorado, fomos completando a árbore ata quedar así de fermosa e renovada. Grazas a todo o alumnado por colaborar na colocación dos nomes e por axudar visibilizar a igualdade entre homes e mulleres.  Moitas grazas a María José Pámpano, por realizar a selección de muller

A Orquestra do Xan Viaño con Música Mestra!

Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo Tic

Historia das mulleres compositoras, por Ermitas García Ríos

Imaxe
Canto aprendemos onte na conferencia  Historia das mulleres compositoras , impartida por Ermitas García Ríos e enmarcada dentro do noso proxecto Música Mestra!. Dende un enfoque moi didáctico, Ermitas presentounos a realidade destas mulleres, chea inxustamente de prexuízos e dificultades ás que se enfrontaban e tiñan que superar para poder cumprir a súa vocación de  ser compositoras. Ao longo da charla, a través de diferentes audicións, puidemos gozar da marabillosa música destas mulleres cheas de talento e creatividade, todo un exemplo e inspiración para as seguintes xeracións. Moitísimas grazas a Ermitas - unha muller que tamén rompeu con estereotipos, ao ser a primeira muller que aprobou a oposición de profesora da especialidade de Fundamentos de composición aquí en Galicia -  por achegarnos á vida e á obra destas mulleres valentes, que tiveron que loitar contra toda a sociedade da súa época para cumprir o seu sono.  Agora está nas nosas mans o recoñecemento e a visibilización da sú

Música Mestra! con Jorge Genó e as compositoras cubanas

Imaxe
 O pasado martes viaxamos a Cuba da man de Jorge Genó, profesor de piano do conservatorio, a través dun fermoso recital de música de mulleres compositoras cubanas. Puidemos escoitar as Miniaturas rítmicas cubanas de María Matilde Alea, a Suite cubana para piano e Dancitas de ayer de María Enma Botet e para finalizar a fermosa peza  Fusión de almas de María Cervantes. Ademais desta música marabillosa, Jorge compartiu co público información sobre a vida e obra destas mulleres tan importantes en Cuba, así como a proxección das propias partituras, para facer o recital aínda máis didáctico. Moitísimas grazas a Jorge Genó por participar no noso proxecto Música Mestra! do programa Donas de si , e axudarnos a visibilizar o papel da muller na historia da música, e especialmente por darnos a oportunidade de coñecer e escoitar esta fermosa música das mulleres compositoras cubanas. De seguro que estas pezas tan especiais, pequenos tesouros musicais, de agora en diante comezarán a programarse e