Concerto de Nadal 2020 adicado ás Residencias de Maiores

-


Sempre polo Nadal, o Equipo de Convivencia organiza unhas saídas a centros de maiores de Ferrol, onde o noso alumnado comparte a súa música cos residentes destes centros. É unha experiencia moi fermosa, tanto para os nosos alumnos e profesores, como para os maiores que nos reciben sempre cun gran sorriso e moita emoción. Este ano, lamentablemente por culpa da COVID-19, resultábanos imposible realizar esta actividade, pero queríamos que o Xan Viaño estivese presente un ano máis nestas datas tan especiais de Nadal. Por iso, tras contactar co persoal das residencias, xurdiu a idea de facer un video no que os nenos e nenas do Xan Viaño puidesen tocar unha peza ou panxoliña e adicarlla aos nosos queridos maiores nestes momentos especialmente difíciles para eles.

A iniciativa tivo moi boa acollida entre o alumnado polo que tivemos que repartir en dous videos o concerto, para que logo á hora de que o visualicen nos centros, poida adaptarse mellor a horarios e ritmos dos residentes.

Compartimos con vós os videos íntegros que van ser visionados nas residencias, coa participación dos seguintes alumnos e alumnas nomeados por orde de aparición no concerto:

1ª Parte: Luis Lago Villar, Tala Sofía Galisteo Aguilar, Aldara Ruiz, Iago Medel Cendán, Daniela Redondo Romero, Pablo Lourido Iglesias, Nicolás Filgueira López, Candela Rañal Parajó, Brais Varela, Jaime Rodríguez, Claudia Zhu Díaz Casas, Ana Lago Villar, Ainhoa Sanmiguel Pintor, Mario Santalla Rico, Gabriela Rodríguez, Jacobo Nieto, Aitana López Caaveiro, Marcos Castro García e María López Carballo.

2ª Parte: David Nistal Liñares, Sara Pena Gómez, Adriana Lorenzo Urango, Area Martínez Fernández, Alexandre Liñeiras Núñez, Irene López Caaveiro, Lucía Pena González, Marcos Castro García, Aitana López Caaveiro, Noa Cortizas Fernández, Leo Lorenzo, Antía Iglesias Fariña, Marta Monteagudo Meijón, Elisa Sardiña López, Ana Placer Porto, Eva Cayetana Somolinos Olmo, Ana García Novo.

Dende convivencia, queremos unha vez máis, dar as grazas a todo o alumnado que participa neste video, así como tamén aos seus profesores e profesoras por animalos e acompañalos nesta experiencia tan bonita: Iria Rico, Emma Urango, Isabel Sanjuan, Javier Alama, Jose Folgueiras, Antonio Landeira, Jorge Genó, Alexandra Pita e Alma Cendán.

Agardamos que os maiores disfruten moito do concerto e que as nosa música e as nosas mensaxes lles animen e emocionen nestas datas tan especiais de Nadal.

Bo Nadal e feliz 2021!!!

Comentarios

Publicar un comentario

Publicacións populares deste blog

A Orquestra do Xan Viaño con Música Mestra!

-
Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo Tic
Ler máis

8M, Día Internacional da Muller e Música, Mestra!

-
Imaxe
En marzo de 2020 tiñamos preparada a nosa primeira edición do Música, Mestra! , mais foi un dos primeiros eventos que a pandemia levaba por diante. Neste marzo do 2021 celebramos unha edición virtual do Música, Mestra! , reinvindicando o papel da muller na historia da música con interpretacións das obras destas mulleres por parte do noso alumnado. O curso pasado os profesores e profesoras uníanse a esta iniciativa do Equipo de Dinamización da Convivencia formando un coro que debutaría con motivo do Día Internacional da Muller. Queda esperar un pouquiño para retomar esta fermosa iniciativa, pero a ilusión e o traballo do noso alumnado non parou nestes tempos, e proba delo, as gravacións que hoxe vos propoñemos. Retomamos o fermoso cartaz deseñado por Catuxa Pita para o concerto do curso pasado, no que se homenaxea a unha ferrolana imprescindible na loita polos dereitos da muller, Concepción Arenal, xa que o 2020 celebrabamos o bicentenario do seu nacemento. Moitísimas grazas aos alumnos
Ler máis

Música Mestra! en Donas de si, Plan Proxecta +

-
Imaxe
Temos unha boa nova que compartir con toda a comunidade educativa: o CMUS Xan Viaño foi seleccionado para participar no Plan Proxecta + , unha iniciativa da Consellería de Cultura, Educación e Universidade en colaboración con diferentes organismos, dirixida a fomentar a innovación educativa nos centros a través de programas educativos que fomenten o traballo cooperativo, interdisciplinar e competencial, pero que ademais estean comprometidos coa consecución dos obxectivos de desenvolvemento sostible da Axenda 2030. Como recolle a Consellería na súa convocatoria, trátase dun plan que busca un avance nas dinámicas de mellora da calidade educativa e favorecer a innovación nos propios centros a través de programas externos que leven á motivación e ao traballo activo, cooperativo e en rede, do alumnado e do profesorado implicado.  O noso centro foi seleccionado neste programa a través de dous proxectos: Música Mestra! e O galego é música. O noso proxecto Música Mestra! , que iniciamos de
Ler máis