Concerto de Nadal 2021 adicado aos nosos queridos maiores

-

Un ano máis, o Xan Viaño quere acompañar aos nosos amigos e amigas dos centros de maiores de Ferrol. Ao igual que o ano pasado, este Nadal tampouco puidemos visitar presencialmente os centros, por culpa da Covid19, pero queremos estar igualmente presentes e compartir a nosa música e os nosos mellores desexos para este Nadal e próximo ano novo.

Compartimos o vídeo que vai ser visionado integramente nas residencias. Esperamos que os maiores desfruten moito do mesmo, e que a nosa música e as nosas mensaxes, lles transmitan moito ánimo e moita ledicia.

Dende convivencia, queremos unha vez máis, dar as grazas a todo o alumnado que participa neste vídeo, así como tamén aos seus profesores e profesoras por animalos a colaborar con nós.

Desexamos de corazón, que o próximo Nadal, poidamos por fin retomar esta iniciativa tan fermosa de xeito presencial, unha das experiencias máis enriquecedoras e emotivas tanto para o noso alumnado como profesorado.

Bo Nadal e feliz 2022!!!

Comentarios

  1. Ceip de Andrade28 de decembro de 2021, 01:56

    Un traballo magnífico, cheo de emocións, sentimentos e unha conmovedora música.
    Parabéns polo voso ben facer!
    Bo Nadal e feliz ano 2022!

    ResponderEliminar

Publicar un comentario

Publicacións populares deste blog

A Orquestra do Xan Viaño con Música Mestra!

-
Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo Tic
Ler máis

Música Mestra!

-
Imaxe
Neste 25N o Equipo de Dinamización da Convivencia quere retomar un fermoso proxecto, que como tantos outros, a pandemia levou por diante.   Música, mestra! busca  dar a coñecer o papel da muller na historia da música, así como reivindicar ás mulleres na música, como en calquera outro sector. En marzo de 2020, estaba preparado un gran concerto por parte de alumnos e profesores do Xan Viaño, con obras de Amy Beach, Clara Schumann e Cécile Chaminade, entre outras... e ata había unha gran sorpresa: o coro de mestres e mestras!  Neste día tan significativo como o de hoxe, volta ese proxecto coa mesma forza e ilusión!  Chegamos a tempo giusto, ao tempo das mulleres!
Ler máis

O alumnado de frauta do Xan Viaño co 8M

-
Imaxe
O alumnado de frauta do conservatorio, tamén se une á celebración do Día Internacional da Muller, compartindo con nós, os seus traballos realizados sobre compositoras da historia da música. Estes traballos inclúen información moi interesante sobre a súa vida e obra, e incluso tamén engaden obras interpretadas por eles mesmos na frauta, resultando unha actividade do máis enriquecedora. Compartimos a continuación unha mostra destes traballos, non sen antes agradecerlle a todos os alumnos e alumnas a súa participación nesta iniciativa, e de xeito especial a súa profesora de frauta Soraya García Riveiros, por animalos a investigar e participar neste emocionante proxecto.   CLARA SCHUMANN Érika González Pérez  5º GP Frauta Travesera 1. INTRODUCCIÓN:  Clara Wieck, más conocida como Clara Schumann, fue una pianista y compositora  alemana, más importante del siglo XIX, y su carrera fue clave en la difusión de las  composiciones de su marido, Robert Schumann. También es considerada como una
Ler máis