Javier Vázquez Grela: Concerto de compositoras históricas e actuais

-

Achégase o mes de marzo e queremos anunciar xa, unha das primeiras iniciativas que poderemos gozar no Xan Viaño, dentro dos actos programados para a celebración do Día da Muller.

Trátase do concerto do pianista Javier Vázquez Grela, dentro do seu ciclo de piano Compositoras históricas y actuales, no que interpretará pezas de Maria Theresia Von Paradis, Clara Wieck/Schumann, Gloria Rodríguez Gil, María Mendoza, Rosa García Ascot e Galina Ustvolskaya. O concerto terá lugar o venres 4 de marzo ás 19:00 h, e os interesados  e interesadas en asistir, debedes apuntarvos no correo convivenciaxanviano@gmail.com

Dános moita satisfacción coñecer que noutros conservatorios, como no CMUS Profesional de A Coruña e no Conservatorio Profesional de Culleredo, tamén se está a traballar no mesmo proxecto de visibilización das mulleres compositoras na historia da música.  De seguro que con estas iniciativas en conxunto con outros centros, acadaremos pouco a pouco o noso obxectivo de difundir a marabillosa música, moitas veces descoñecida e inxustamente valorada, das mulleres compositoras.

Grazas Javier Vázquez Grela, por achegarte ata Ferrol e compartir coa comunidade educativa do Xan Viaño este proxecto tan especial.

Comentarios

Publicar un comentario

Publicacións populares deste blog

A Orquestra do Xan Viaño con Música Mestra!

-
Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo Tic
Ler máis

8M, Día Internacional da Muller e Música, Mestra!

-
Imaxe
En marzo de 2020 tiñamos preparada a nosa primeira edición do Música, Mestra! , mais foi un dos primeiros eventos que a pandemia levaba por diante. Neste marzo do 2021 celebramos unha edición virtual do Música, Mestra! , reinvindicando o papel da muller na historia da música con interpretacións das obras destas mulleres por parte do noso alumnado. O curso pasado os profesores e profesoras uníanse a esta iniciativa do Equipo de Dinamización da Convivencia formando un coro que debutaría con motivo do Día Internacional da Muller. Queda esperar un pouquiño para retomar esta fermosa iniciativa, pero a ilusión e o traballo do noso alumnado non parou nestes tempos, e proba delo, as gravacións que hoxe vos propoñemos. Retomamos o fermoso cartaz deseñado por Catuxa Pita para o concerto do curso pasado, no que se homenaxea a unha ferrolana imprescindible na loita polos dereitos da muller, Concepción Arenal, xa que o 2020 celebrabamos o bicentenario do seu nacemento. Moitísimas grazas aos alumnos
Ler máis

Música Mestra! en Donas de si, Plan Proxecta +

-
Imaxe
Temos unha boa nova que compartir con toda a comunidade educativa: o CMUS Xan Viaño foi seleccionado para participar no Plan Proxecta + , unha iniciativa da Consellería de Cultura, Educación e Universidade en colaboración con diferentes organismos, dirixida a fomentar a innovación educativa nos centros a través de programas educativos que fomenten o traballo cooperativo, interdisciplinar e competencial, pero que ademais estean comprometidos coa consecución dos obxectivos de desenvolvemento sostible da Axenda 2030. Como recolle a Consellería na súa convocatoria, trátase dun plan que busca un avance nas dinámicas de mellora da calidade educativa e favorecer a innovación nos propios centros a través de programas externos que leven á motivación e ao traballo activo, cooperativo e en rede, do alumnado e do profesorado implicado.  O noso centro foi seleccionado neste programa a través de dous proxectos: Música Mestra! e O galego é música. O noso proxecto Música Mestra! , que iniciamos de
Ler máis