Que a música non pare!

-


Hoxe compartimos con moito agarimo, un video que realizamos dende Equipo de Convivencia, como benvida a este curso tan especial que estamos a vivir por culpa da Covid-19, un curso no que música non pode parar!

Queremos enviar unha mensaxe de gratitude polo esforzo de todas e todos por adaptarnos á nova normalidade, cumprindo as medidas de seguridade marcadas, así como tamén unha mensaxe
de esperanza porque xuntos imos superar esta situación onde a música e a cultura non poden faltar. 


A banda sonora elixida para a presentación é o comezo do primeiro movemento da Sinfonía nº 6 en Fa maior op. 68, coñecida como Sinfonía Pastoral de Ludwig van Beethoven. Este ano cúmprese o 250 aniversario do nacemento de Beethoven (1770-1827), polo que tamén queremos render a nosa pequena homenaxe ao gran compositor alemán neste ano Beethoven.


Grazas a todas as alumnas e alumnos que quixeron participar no video, ao Equipo Covid por estar sempre coidando de nós, e ao profesor Suso Iglesias polas fermosas fotos tomadas do conservatorio e arredores.


Como ben di o video… Que nin a máscara nin o virus, apaguen o noso sorriso nin a nosa música. Que a música non pare! 

Comentarios

  1. Catuxa15 de novembro de 2020, 03:42

    Un vídeo co que ficamos moi emocionados ao ver aos nosos alumnos e alumnas...Encóllesenos o corazón.

    O Equipo Covid agradece a mensaxe que queredes transmitir: a máscara sempre presente, mais seguimos camiñando con ilusión e compartindo marabillosos momentos musicais

    ResponderEliminar
  2. En todas as claves19 de novembro de 2020, 15:52

    Moitísimas grazas Catuxa polo teu apoio incondicional.
    Sempre con moito coidado, con máscara e distancia de seguridade... pero como ben di a presentación... que a música non pare!

    ResponderEliminar

Publicar un comentario

Publicacións populares deste blog

A Orquestra do Xan Viaño con Música Mestra!

-
Imaxe
Hoxe compartimos un dos momentos máis especiais vividos dentro dos nosos recitais de Música Mestra! polo Día da Muller. Trátase da interpretación de La vie en rose  canción emblemática da música francesa, con letra escrita pola cantante, compositora e actriz Édith Piaf, a cargo da orquestra profesional do Xan Viaño o pasado 11 de marzo. Aínda que non ao completo polas restricións Covid, a orquestra volveu ao escenario despois de dous anos por mor da pandemia, e o público emocionouse enormemente neste reencontro musical tan esperado. Moitas grazas aos directores da orquestra Quique Agrelo e Jose Folgueiras, por participar no noso proxecto Música Mestra! e axudarmos a visibilizar o papel da muller na historia da música implicando a toda a comunidade educativa. Moitas grazas ao alumnado participante, e parabéns a todos e todas por manter a motivación nestes tempos tan complicados que vivimos, especialmente para a cultura e a música. Grazas tamén a Suso Iglesias, coordinador do Equipo...
Ler máis

O alumnado de frauta do Xan Viaño co 8M

-
Imaxe
O alumnado de frauta do conservatorio, tamén se une á celebración do Día Internacional da Muller, compartindo con nós, os seus traballos realizados sobre compositoras da historia da música. Estes traballos inclúen información moi interesante sobre a súa vida e obra, e incluso tamén engaden obras interpretadas por eles mesmos na frauta, resultando unha actividade do máis enriquecedora. Compartimos a continuación unha mostra destes traballos, non sen antes agradecerlle a todos os alumnos e alumnas a súa participación nesta iniciativa, e de xeito especial a súa profesora de frauta Soraya García Riveiros, por animalos a investigar e participar neste emocionante proxecto.   CLARA SCHUMANN Érika González Pérez  5º GP Frauta Travesera 1. INTRODUCCIÓN:  Clara Wieck, más conocida como Clara Schumann, fue una pianista y compositora  alemana, más importante del siglo XIX, y su carrera fue clave en la difusión de las  composiciones de su marido, Robert Schumann. También...
Ler máis

Música Mestra!

-
Imaxe
Neste 25N o Equipo de Dinamización da Convivencia quere retomar un fermoso proxecto, que como tantos outros, a pandemia levou por diante.   Música, mestra! busca  dar a coñecer o papel da muller na historia da música, así como reivindicar ás mulleres na música, como en calquera outro sector. En marzo de 2020, estaba preparado un gran concerto por parte de alumnos e profesores do Xan Viaño, con obras de Amy Beach, Clara Schumann e Cécile Chaminade, entre outras... e ata había unha gran sorpresa: o coro de mestres e mestras!  Neste día tan significativo como o de hoxe, volta ese proxecto coa mesma forza e ilusión!  Chegamos a tempo giusto, ao tempo das mulleres!
Ler máis